Acta “ As Grelas” 06 de Maio de 2013

Data e Lugar: 06/05/2013, Casa do Bispo, 19horas

Participan: Xulia, Nines e Berta.

Orden do dia: Últimos preparativos do “+ mercado transparente” que terá lugar o 11 de maio de 2013 en Ribadeo, dentro da Semana Galega de Comercio Xusto. Também se trata do videoforum que realizará Amodiño durante esa semana.

Ponto 1: “+ mercado transparente”

Reconto de participantes:

Aseguradas:

1. Casa Azul
2. Amarante + SLG + As Grelas
3. A Estruga
4. Amodiño
5. Vilma () + ¿Belén? (xabóns)
6. David () + Paz (sandalias)
7. Bravío biocontrución
8. Granxa o Garabullo
9. Espazo cultural
10. Elia (As Fadegas)
11. Óscar (cestería)
12. Ana panadera?
13. Nuria ¿?

Necesitamos entre 9 e 11 postos. Son suficientes os do Concello.

Entrevistas, radio, música

Entrevistas coas asistentes mentres dura o mercado. Nines fala con Beni para ver se el podería facer as entrevistas. Cada 10-15 minutos de entrevista poríamos música.

Moderación da mesa redonda: Nomeamos a Cris.

Portavoz das Grelas na mesa redonda: Nines ofrécese.

Montar as mesas: Quedar ás 8 o sábado.

Nota de prensa: Xa o manda Iván

Falar coa xente da praza: Xa fixo Xulia e ningún problema.

Cartaces

O xeneral do mercado xa está preparado para pegar e colgar en facebook. Xa hai dous pegados no mercado.

Faltan

• Un co programa detallado en papel continuo e outro igual en tamaño folio (o pequeño faino Berta).
• Facer un evento no facebook das grelas.
• Como está a expo de amarante de comercio xusto, xa non fai falta facer cartaces específicos para isto.
• Se dá tempo, facer trebellos con conceptos como soberanía alimentar.
• MST e a soberanía alimentaria (nota para Berta)

Degustación: Xulia prepara termo de café e de cacao

As Grelas: O venres collemos as cestas. Xulia e Berta levan as súas para o mercado.

Obradoiro de cestería: Falar con Oscar sobre o obradoiro. Preguntarlle horarios e demais. Queda enviado o mail.

Tarefas:

• Falar con Héctor para pedirlle o equipo de megafonía e a selección de cancións. Falan Xulia e Nines mañá martes 7 con el.
• Pedir a chave da porta para os postos. Vai Berta á concellería de desenvolvemento. Preguntar onde están as mesas adicionais.
• Imprimir os folletos das Grelas en pequeño para repartir. Cris.

Ponto 1: Videoforum no Amodiño

Enviamos esta proposta a Amodiño.

Proposta para a Semana galega de comercio xusto. Videoforum no Amodiño.

Do 13 ao 17 de maio de 2013.

Habería que determinar:

1. Facer videoforum dous días nesa semana. Decidir qué días.
2. Elexir qué temas queredes tratar: a nosa proposta é o do textil por todo o que pasou en Bangladesh e soberanía alimentar e comercio xusto (de la mata a la olla + soberanía alimentar e comercio xusto).

Temas que poden tratarse:

A soberanía alimentar e comercio xusto.

→ De la mata a la olla. Ecologistas en Acción. 14 minutos.

→ Soberanía alimentar e comercio xusto. REAS (Red de economía alternativa e solidaria). 10 minutos.

O MST e a soberanía alimentar.

→ O MST e a loita pola reforma agraria. 21 minutos.

O consumo responsavel aplicado ás finanzas.

→ Con tu dinero. Setem. 1 hora.

A industria textil.

→ Elas pegan, as descalzas, as solas das nosas botas. Curta gañadora da campaña Roupa limpa Setem Aragón. 5 minutos.

A auga.

→ A avoa Grilo. The animation workshop. 10 minutos.

Acta “ As Grelas” 28 de Abril de 2013

Data e Lugar: 28/04/2013, Bar o Cantón, Ribadeo

Participan: Xulia, Iván, Nines, Mónica e Berta.

A reunión comeza sobre ás 17 para falar sobre a organización de “+ mercado transparente” que terá lugar o 11 de maio de 2013, dentro da Semana Galega de Comercio Xusto.

1. Espazo do mercado

   Finalmente, o Concello “autoriza” o uso do espazo da praza para facer o mercado. Dámonos conta de que non sabemos exactamente que espazo é, se a parte de atrás do edificio do mercado ou o perímetro da praza. Habería que falar con Víctor a ver qué entendeu él. E senón, falar coa concelleira.

   Falan Julia e Berta con Víctor.

2. Relacións coas comerciantes do mercado

   Parécenos boa idea ir falar coas comerciantes da praza, para explicarlles qué pretendemos co mercado, ver que estamos todas xuntas polo comercio local, etc. Tamén levarlles o programa para o día 11, para que se sintan partícipes.

   Encárganse Julia e Berta.

3. Participantes no mercado:

   Precisando de posto: Amodiño; Formigueiro, As Grelas e SLG; David e Paz; Vilma e Xulio, Belén; Granxa Garabullo; A Estruga; Casa Azul; Amarante; Nuria

   Nun precisan posto: Elia, Ana e Óscar

   Pendentes de saber se precisan posto: Balea, bioconstrución e espazo cultural.

   Precisamos entre 11 e 15 postos.

   Hai que falar coa xente do espazo cultural: encargábase Víctor, senón, irían Julia e Berta.

4. Programación do mercado:

   + Mercado transparente

   De 10:30 a 14:00, mercado con entrevistas ás participantes.

   De 12:30 a 14:00 “Consumindo confianza: encontro de grupos de consumo responsable. As Grelas, Karrikanta, A Casa Azul”.

   Temas a tratar no encontro dos grupos:

   • Coñecernos entre nós: quén somos? Por qué fixemos un grupo de consumo?
   • Cousas boas e malas (fortalezas, debilidades, etc.)
   • Que podemos facer xuntas?

   Berta lles envía mail a karrikanta e a casa azul para que digan se lles parecen ben ou se queren incorporar outros.

   Falta saber quen vai dinamizar a mesa de grupos de consumo.

5. Cartaces
   • Hai que facer cartaces para darlles ás comerciantes da praza e tamén para pegar pola vila. Berta vai facer un e pasalo por lista para que se fagan melloras.
   • Cartaces para o propio día do mercado: participantes e programación, soberanía alimentaria, comercio xusto, etc. Berta e Julia propoñen facelos no formigueiro.
6. Varios

   Berta pregunta se se ve ben que dentro do mercado haxa un posto para recaudar fondos para a organización do encontro de comités de apoios do MST de Europa. Venderíanse camisolas, postais, etc. co obxectivo de poder financiar a viaxe dunha persoa do MST a dito encontro, que terá lugar en Ribadeo-Mondoñedo no 2014.

   Á asamblea parécelle ben, xa que o MST é un exemplo de loita pola soberanía alimentaria.

Acta “ As Grelas” 14 de Abril de 2013

Data e Lugar: 14/04/2013, Casa do bispo en Campoxurado-Vilaselán.

Participan: Mónica, Cristina, Iván e Julia

Orden do día: Organización da xornada dentro da Semana Galega de Comercio Xusto.

1. Posta en común dos contactos con produtores, artesáns e grupos de consumo:

a) Productores que participan na xornada:

• Elia: posto con productos frescos de horta
• Ana: posto de pan , ofrece degustación dos seus productos
• Montse: posto con productos frescos de horta
• Nuria: posto con ostras
• Vilma/Xulio: posto con conservas e productos frescos de horta
• Casa Ánxe: pendente de contactar (encárgase Julia)

b) Artesáns:

• Óscar: taller de mimbre (3 horas de duración, público dende 9-99anos)
• David: posto de artesanías
• Belén: posto de xabóns
• Paz: posto de artesanía, charla sobre nutrición
• Henar: pendente de contactar (encárgase Julia)
• Pilar Quintana: pendente de contactar (encárgase Mónica)

c) Varios:

• “Amodiño” propón a proxección durante a Semana Galega de Comercio Xusto de documentais e  cine relacionados coa temática da Soberanía alimentar. Quedamos o grupo de facer unha selección e proposta ( video da elaboración da panela de MCCH, Dous tomates e dous destinos)
• Formigueiro: Equipo de megafonía, selección de música, Stand “Ribadeo creando cultura”
• Formigueiro + Sindicato Labrego Galego + As Grelas: posto con información
• Amarante: Posto con información da actividade e campañas da asociación, productos de comercio xusto, Exposición “Comercio xusto”
• O canto da balea: taller sobre consumo responsable de productos de pesca artesanal, posto con información. Surxe a posterior a proposta de no caso de que fagan unha charla se invite as cofradías de pescadores, concretar con eles tempos ¿?
• Obrabio: empresa bioconstrucción que participa con un posto e/ou charla.
• Rego de mel: pendete de contactar (encárgase Julia)
• La casa azul: pendente de confirmar se poñen bar, propoñerlles que traigan materiales que teñen na tenda tipo libros, revistas (encárgase Nines)

d) Participantes na mesa redonda:

• Karrikanta grupo de consumo de Cervo (Galicia)
• La casa azul grupo de consumo de Navia (Asturias)
• As Grelas: Grupo de consumo
• Formigueiro
• A Estruga
• Acórdase invitar a participar Guzmán productor de leite ecolóxico (non acordamos quen se encarga de contactar) e os productores de cárnicos de Remourelle (encárgase Iván).

2. Mesa redonda:

Preparar as líneas a debatir,como puntos a tratar surxen:

• Coñecernos entre nós ¿Cómo foron os inicios?
• ¿Cómo nos damos a coñecer?¿cómo nos multiplicamos?

Nomear esta actividade como: “Consumindo confianza”

Correos: enviar correo os participantes (encargada Nines)

3. Difusión:

• nomear a actividade como “MAIS MERCADO TRANSPARENTE”
• Cartel (encárgase Vanesa)
• Escribir un artigo que informe dos contidos e a filosofía da xornada e evialo o periódico LA COMARCA, e outros medios (crónica3, La voz de Galicia, El Progreso) (encárgase Iván)
• Difundir en Radio, facebook, blog

4.Lugar celebración do evento:

Plaza de abastos queda Maica encargada de solicitar o espazo no concello e de non poder dispoñer deste espazo , celebraríase na mesma data no Parque.

Despois de degustar as sabrosas palmeiras con chocolate coas que nos agasallaron Nines e Iván, e as 18,30 rematamos.

Saúde e República!!!

Data e lugar: 24/03/2013, 17:00, no Formigueiro da Casa do Bispo, Campoxurado – Vilaselán

Participan: Nines, Mónica, Xulia e Cristina.

Puntos tratados:

• Revisión das tarefas feitas ata o de agora.

• Blog: acórdase facer unha actualización con fotos e información das últimas actividades feitas. Tamén darlle pulo á biblioteca. Recórdase que André, Carmen e Nicolás son as persoas responsables de actualizar o blog.

Fálase de novo de volver a reflexionar sobre a posiblidade de facer unha lista de produtoras locais. Non se chega a ningún acordo con respecto a este punto.

• Próximas actividades:

a) Proponse participar da Semana Galega de Comercio Xusto. ( 6 ao 11 de maio)

Acordos: acordamos organizar para dita semana ( como posible data sería o 11 de maio) un encontro entre produtoras e grupos de consumo de toda a comarca da mariña e o occidente asturiano.

A xornada sería todo o día, con diferentes actividades:

– Exposición das produtoras e actividades nas que conten a súa experiencia. Como comezaron ou sobre os produtos que teñen á venda. Estas actividades levarianse adiante durante todo o día. Nines propón que o obxectivo sería dotar de contido á xornada da man das persoas ou colectivos  participantes.

– Mesa redonda – debate dos diferentes grupos de consumo da zona. Mónica propón como posibles temas a debatir: como fomentar o consumo local, a implicación da xente, dificultades atopadas, ect.

O obxectivo desta actividade é tecer redes e ver problemáticas comúns e como abordalas. Tamén ser un punto de inicio de vindeiros encontros.

– Desgustación: os grupos de consumo se encargarían de preparar algúns aperitivos e a Casa Azul ( se acepta o convite) poñería a barra con produtos de comercio xusto, ecolóxicos, etc.

– Show cooking: Mónica sinala que hai un grupo de persoas que se encargan de amenizar actividades como a proposta cociñando no momento. Acordamos tratar de contactar con eles e se a actividade é gratuíta tratar de que se acheguen.

            Acordamos como data límite para contactar coas posibles participantes o 7 de abril.

b)       Xornada de formación sobre débeda, implicacións no eido local e alternativas ao sistema económico – social actual. Modelos baseados na economía social.

Cristina explica que Amarante ten pendiente de facer unha formación en Ribadeo coa temática sinalada. A iniciativa ten boa acollida e  acórdase participar como grupo facendo parte da formación no casa do Formigueiro. A data proposta sería o venres 24 e sábado 25 de maio. Por confirmar.

c)         Fálase da idea de poñer en marcha unha radio local. Non se chegan a acordos.

Data e lugar: 24/02/2013, 17:00, no Formigueiro da Casa do Bispo, Campoxurado – Vilaselán

Participantes: Elena, Alicia, Nicolás, Xulia, Vanesa, Nines, Cristina, Mónica e Iván.

 Tras unha breve visita a sé do Formigueiro, comeza a xuntanza na cociña. Facemos unha presentación de cada unha de nós e tentamos definir o que é o grupo das Grelas e o que esperamos del. Saen conceptos coma xustiza, sustentabilidade, saúde, amizade, coherencia, soberanía alimentar, e accións coma reflexionar, compartir coñecementos, autoformación, consumo responsable, voluntariado, participación, potenciación e recuperación da contorna e produción local. No que esperamos das Grelas no futuro: ser quen de estabrecer unha estratexia, unhas liñas de actuación, sensibilizar sobre as nosas preocupacións, deseñar e acadar a formación que precisamos, ter unha proxección local e ser o xermolo de alternativas reais de desenvolvemento no ambito local.

Descansamos un rato para dar conta da empanada de grelos que trouxo Xulia cun vaso de viño ecolóxico.

Vanesa fai unha performance para que as non iniciadas comprendamos o concepto de Zona de Comodidade e de como As Grelas foi transformando as nosas. Gústanos moito e decidimos que hai que gravalo en vídeo e subilo ao blog.

Cris fai unha rápida e interesante presentación ao redor do concepto de voluntariado e das dinámicas que adoitan producirse entre os participantes neste tipo de iniciativas, que debemos coñecer para anticipar posibles problemas.

Poñémonos á tarefa de construir unha definición do Grupo de Consumo As Grelas:

“Somos un conxunto de persoas amigas con intereses e preocupacións comúns que buscan compartir coñecementos e consumir de xeito responsable e sán, na procura dun desenvolvemento local participativo e sustentable cara á sobreanía alimentaria real.”

A continuación falamos de accións cara ao futuro. Plantexamos que hai dous tipos de tarefas: as imprescindibles para manteñer a actividade do grupo (comunicación, pedidos, difusión), e as iniciativas que decidamos poñer en marcha a maiores. Facemos un reparto das primeiras entre a xente que está presente na xuntaza (aberto á inclusión de novas incorporacións con tempo e gañas):

Tarefas básicas de funcionamento do grupo:

1. Comunicación interna: Conta de correo: Nines vaise encargar nos vindeiros meses.

Blog (biblioteca, videoteca): Carmen, coa axuda de Nicolás

2. Recepción e xestión de pedidos: Xulia e Mónica

3. Comunicación externa: Notas de prensa, carteis, etc.: Nines, Iván, Vanesa

Proposta da actividades para os vindeiros meses:

Febreiro: Obradoiro de xabón e fieltro (Vanesa e Amaia)

Marzo: Promoción do cultivo de estevia no Formigueiro (Iván, Xulia, Nines, Grupo Terra)Maio:

Abril: Taller presentación do Proxecto Ríos (Iván, Tante, Víctor)

Maio: Semana Galega do Comercio Xusto (Cristina, Xulia, Maika, Víctor, Rosa)

Xuño: Presentación oficial do grupo (Nines, Mónica, Vanesa)

Xullo-Agosto: Libro de receitas con produtos de tempada (Nines, Xulia, Eva)

Levántase a sesión ás 21:00 horas.

Asisten: Mónica, Cristina, Rosa, Eva, Julia e Carmen

Trátanse os seguintes temas:

Introdución:
Iniciase a reunión facendo unha posta en común de cómo ve o grupo e que cousiñas podería facer nos próximos meses. Fálanse de cousas operativas: novos produtos, xornada, blog (ver os puntos específicos) e tamén de aspectos máis estratéxicos de fortalecemento do grupo (coñecer a xente que lo integra e “facer grupo”), así como debater a idea de grupo que consumo e a súa estratexia para despois pensar como organizar o mesmo, por o que se plantea facer unha reunión no mes de Xaneiro ou Febreiro para traballar esta parte mais estratéxica, tendo en conta as capacidades reales do grupo (ver o punto específico). Neste punto considerase que podía ser moi interesante coñecer as experiencias da Casa Azul (nun entorno similar o das Grelas) e a Cooperativa Zoca Miñoca (Cristina ten o contacto de unha das fundadoras).
Novos produtos de consumo:
Falase de dar continuidade aos novos produtos que na reunión de Setembro se había falado de conseguir.
Retómase o tema do peixe e Rosa falará con a persoa que coñece para ver si él e/ou compañeiros de él poden vender pescado para o grupo. Tambén se fala de conseguir fariña e fruta de temporada. Mónica fai pedidos de naranxas e avisará ao grupo cándo los faga.
Por outro lado, se considera importante facer un listado con os produtos que se están consumindo desde o grupo (ver apartado do blog)
Xornada de un día:
Falase que seria interesante facer unha xornada de un día de convivio pa fomentar os espazos informais entre os integrantes do grupo e para aprender novas cousas que nos interesen. As xornadas serían abertas e o título da xornada podía ser: “Qué sabes fer?” para compartir o que cada un sabe facer.
Algún dos temas/talleres dos que se falan son como facer: xabois, cremas, esencias, pasta de dentes, algunha receta de cociña,…
As xornadas se poderían facer en Marzo, pero tanto a data, como o alcance (tamaño), dependerá da capacidade real do grupo (no global).
Blog:
Todas creen que se lhe debe dar continuidade o blog.
Mónica fará en cuanto poda unha entrada de blog sobre soberanía alimentaria. Tamén se comenta que estaría ben facer unha entrada con o taller de xabois que fixemos en Agosto, Julia se encarga de isso.  Por outro lado, tamén se comenta que seria interesante ter o listado de produtos que se consumen a través do grupo en formato folla de cálculo e subir a información o blog.
Como o grupo e a iniciativa está “en construcción” se fala de tamén mencionalo no blog.
En relación a biblioteca se comenta que Eva ten bastantes recursos bibliográficos e de webs identificados e Manuela tamén ten mirado cousas. En un principio Eva, Manuela e Carmen seguirán vendo a forma de montar esta sección para que sexa accesible a información (por temas/sectores e tipos de recursos(webs, libros, vídeos,…).
Algunha recomendación para a biblioteca é: “Consumir menos, vivir mejor” (Toni Lodeiro, ed. Txalaparta) ou sabiduría viajera
Próxima reunión do grupo:
Debátese o conteúdo da próxima reunión de grupo, considerando moi importante “facer grupo” traballando presencialmente e definindo o rumbo do grupo, considerando as dispoñibilidades de cada un dos participantes.  Se suxiren os seguintes dous puntos:
1.- Presentación das persoas do grupo (motivación e dispoñibilidade de cada un).
2.- Estratexia: Debater sobre:
a)  Qué é o grupo de consumo As Grelas para cada un de nós?
b) Cales deben ser os obxetivos nos próximos 6 meses?
A idea é intentar preparar o máximo a reunión de unha forma dinámica e divertida con o obxetivo de intentar aproveitar o máximo o encontro.
Tarefas pendentes a corto prazo:
Facer e compartir a acta da reunión con o grupo. Responsable: Carmen.
Facer a proposta de reunión de grupo en Xaneiro ou Febreiro ao grupo, enviando o doodle con as datas posibles e animando a que participen na preparación da mesma. Responsable: Mónica (correo) e Cristina (doodle)
Preparar a reunión de grupo de Xaneiro ou Febreiro. Inicialmente: Mónica, Cristina, Eva e Carmen

Asisten: Mónica, André, María, Lidia, Vanesa, Ana e Cristina.

Trátanse os seguintes temas:

Funcionamento e posta en marcha do blog

André e Manuela comentan como vai a posta en marcha do blog. Eles dous máis Carmen dende o Brasil, están traballando na súa posta en marcha.
O enderezo do blog é o seguinte: asgrelas.odiseus.org

Acórdase facer unha entrada na que se responda á cuestión: quen somos? Vanessa, se encarga de facela.

Acórdase tamén ir elaborando unha guía de consumo responsable en Ribadeo. Empregando certos criterios na descrición dos produtos, produtoras, fincas, etc. , tratarase de facer unha relación de todas aqueles produtos aos que poidamos ter acceso en Ribadeo tendo como criterio fundamental que non se atopen a máis de 15 km de distancia da vila.

Vanesa asume comezar com o traballo arredor dos locais, produtoras, etc que hai na vila de Ribadeo. As demais asistentes acordamos ir sumando ideas segundo se nos vaia ocurrindo.

Manuela encargarase de contactar coas persoas da Casa Azul para que ellas fagan unha relación de produtoras da zona do occidente asturiano.

André acorda contactar coa xente de Karricanta para proporlles facer unha relación de produtoras da súa zona de influencia.

Acórdase facer as actas do grupo públicas e subilas ao blog para que todas as persoas teñamos acceso a ellas.

Bibliografía relacionada coa soberanía alimentaria e o consumo responsable.

Acórdase ir facendo unha relación de libros relacionados coa temática para ir subindo ao blog e que sexa accesible a todas as persoas interesadas.

Produtora de ovos.

André comenta que tivo contacto con Cruz, unha produtora de ovos ecolóxicos. Comenta que agora mesmo non ten ovos. Cando poidamos dispoñer deles o prezo é de 3 € a ducia. Cruz propoñía facerse con máis galiñas para servir ao grupo.
Acordamos agardar a que as galiñas volvan a producir e nós adaptarnos á produción de cada momento. André queda en escribirlle para comentarlle o acordo.

Actividade Casa Azul.

Coméntase que a Casa Azul está organizando un ciclo de cine sobre xénero e inmigración que se celebrará en Castropol os días 31 de novembro e 1 de decembro.

Proposta actividade Nadal.

Fálase da posibilidade de organizar cara o Nadal un mercadiño de troco e consumo responsable. Coméntase a posibilidade de organizalo dende Ribadeo e invitar a participar a outros colectivos da zona. Valórase tamén a posibilidade de facer unha xuntanza previa cos colectivos que poideran estar interesados en participar.

Non se chega a ningún acordo con respecto a isto.

Próxima xuntanza.

Cristina responsabilizase de enviar un doodle co calendario para a próxima xuntaza. A determinar entre o 11 de novembro e 17 de novembro.